Marulic, Marko (1450-1524) [1516]: Evangelistarium, versio electronica, Verborum 155872, ed. Neven Jovanovic [genus: prosa oratio - tractatus] [numerus verborum] [marul-mar-euang.xml].
Si vis in lexico quaerere, verbum elige et clavem 'd' in claviatura preme.
-- 496 --
De auditu.
Caput XXI
Aurium autem conseruare integritatem ita oportet:
caue nequid obscoenum,
nequid iniquum,
nequid ab humanitate alienum libenti animo auscultes.
dicente Scriptura:
[ERROR: no reftable :]
Eccl. 28
Sępi aures tuas spinis,
et linguam nequam noli audire.
Delatoribus,
detractoribus,
impudicis,
inaniter incondite-que garrientibus,
impie de religione sentientibus non accommodes auditum,
nisi contradicendi,
redarguendi |
refellendi-que causa.
Fabulas amatorias,
quę ad turpem libidinem prouocant,
audire noli.
Tendiculas diaboli illa esse crede,
quibus nos irretitos morti tradere molitur mergere-que in profundum.
Ab adulantium quoque et ad gratiam loquentium uerbis aures auerte,
ne falsis laudationibus elatus maius aliquid esse te reputes quam quod
es,
et tibi tribuas,
quod Deo erit tribuendum |
merearis-que ab Apostolo corripi dicente:
[ERROR: no reftable :]
Ad Cori. prima IIII
Quid habes quod non accepisti?
et si accepisti,
quid gloriaris quasi non acceperis?
Nihil denique audire te delectet,
quod corpus tantum uoluptate afficiat,
animę autem saluti nihil conferat.
Perniciosa enim res est |
aures cantu dulci suauibus-que sonis delinire |
et animę pati detrimenta.
cum potius animę salus per corporis labores castigationes-que
conquirenda sit,
per ieiunia,
per uigilias,
per scribendi,
legendi,
orandi |
alios-que adhortandi fatigationes.
Operariis quippe impigris ac solicitis opus est patrifamilias in uinea
sua excolenda,
non ociosis et oscitantibus |
et qui fructum capere negligunt,
dum florum foliorum-que luxuria delectentur.
Quę ergo spiritui conducunt,
illa audias.
quę autem carni blandiuntur,
ueluti mortifera non admittas.
Porro ut ex Deo te esse
Marulic, Marko (1450-1524) [1516]: Evangelistarium, versio electronica, Verborum 155872, ed. Neven Jovanovic [genus: prosa oratio - tractatus] [numerus verborum] [marul-mar-euang.xml].
|