Marulic, Marko (1450-1524) [1516]: Evangelistarium, versio electronica, Verborum 155872, ed. Neven Jovanovic [genus: prosa oratio - tractatus] [numerus verborum] [marul-mar-euang.xml].
Si vis in lexico quaerere, verbum elige et clavem 'd' in claviatura preme.
-- 549 -- ęternitatis.
His autem fruituros pauperum sustentatores nemo negare poterit,
nisi qui Scripturarum repugnare uoluerit ueritati,
malens damnari cum infidelibus |
quam cum fidelibus saluari.
Vt igitur cęlestes ęternas-que opes capiamus,
primo ueritatis cognitione opus est |
ueri-que confessione,
deinde ut delicta nostra expientur,
et qui prius peccatis grauabamur,
bonis actionibus proficiamus.
Hęc autem omnia pręstare poterit fidelis ac syncerę mentis elemosina.
[ERROR: no reftable :]
act. 10 Cornelius
Cornelio centurioni ab angelo de cęlo in terras lapso est dictum:
Orationes tuę et elemosinę tuę ascenderunt in memoriam in conspectu Dei.
Itaque cum gentilis esset,
elemosinis meruit a Petro apostolo discere Christum |
et fidei baptismo purificari,
ut in Christo renatus cum Christo resurgeret in gloria.
[ERROR: no reftable :]
Nabuchodonosor
Nabuchodonosor quoque rex gentilis erat,
quando Deo se uoluit ęquare fragilitatis humanę oblitus.
Cum-que ob hoc prędiceretur,
quod regno eiectus cum bestiis esset uicturus,
elemosinis tamen mutari posse Dei iudicium intellexit.
Daniele dicente:
Peccata tua elemosinis redime,
et iniquitates tuas misericordiis pauperum |
forsan ignoscet tibi Deus.
Quod si etiam gentilium in pauperes pietatem Deus respicit,
quanto magis credentium atque fidelium?
Audi Scripturam dicentem:
[ERROR: no reftable :]
Eccl. 29
Conclude elemosinam in corde pauperis et hęc pro te exorabit ab omni malo.
unde et in psalmo dicitur:
[ERROR: no reftable :]
ps. 40
Beatus qui intelligit super egenum et pauperem;
in die malo liberabit eum Dominus;
quando uidelicet dicturus est:
Esuriui et dedistis mihi manducare.
Audi et aliam Scripturę sententiam:
[ERROR: no reftable :]
Eccl. 3
Ignem ardentem extinguit aqua et elemosina resistit peccatis.
et in Euangelio:
Date elemosinam,
et ecce omnia munda sunt uobis.
Iuxta superiorem sententiam elemosina resistit peccatis ne illa
committamus.
iuxta sequentem,
ab iis quę iam commisimus,
facit ut emundemur.
Reliquum est ut a pręteritis expiatos |
et a secuturis custoditos Deo nos offerat pro innocentia suscipiendos,
pro iustitia pręmiandos.
Hoc ita futurum psalmista testatur,
dum de beato uiro ait:
[ERROR: no reftable :]
ps. cii.
Dispersit dedit pauperibus |
iustitia eius manet in
Marulic, Marko (1450-1524) [1516]: Evangelistarium, versio electronica, Verborum 155872, ed. Neven Jovanovic [genus: prosa oratio - tractatus] [numerus verborum] [marul-mar-euang.xml].
|
