Dat sumpti latè Imperii, mirabitur auctus
Felix lympha suos, haustum spumare coacta)
Hospitibus mirum, paterísque refundere plenis,
Ac hilarare novas Hymenaei nectare mensas.
Nec semel ille, truces remis evectus in undas,
Experietur ubi, casso rediisse labore
Consocios, praeda maris hoc cumulabit, et udas
Squammigerûm species viridi profundet in Actâ.
Tum quoque, cùm pelagus penetrabilis obruet ignis,
Cernemusque ratim saxosa ad littora ferri,
Amissis fluitantem armis, ac dura gementem
Verbera, et effracto nudatam lintea malo,
Nulla salus, spes nulla viris, ad vota precésque
Vertentur; vacat ars: miserae exoptantur arenae,
Imperio premet Ipse Notos: cadet arduus undae
Impetus; audivisse Dei sacra jussa putares
Euros, et Boreas, et iniquos turbine Cauros.
Quid memorem gemino saturandas pisce catervas, 601f. San. 3,444f. illi leges et sancta vocatis / iura dabunt 605 San. 3,446 qui iam cymba remisque relictis 607 San. 3,448 Praeterea 608 San. 3,449 cognatas etiam spectabimus undas 610 San. 3,451 hos primos per signa ostendet honores 612 San. 3,452 accepti late imperii; mirabitur auctus 613 San. 3,453 lympha suos, iussa insuetum spumare capaces 615 San. 3,455 et mensas hilarare et felices hymenaeos 616 San. 3,456 Nec semel ille altum remis evectus in aequor 617 San. 3,457 rediisse labore 618f. San. 3,458f. et hudos / squamigerum strata cumulos exponet in alga 626 San. 3,463 imperio premet increpitans: cadet arduus undae 627 San. 3,464 impetus atque audisse minantis iussa putares 628 San. 3,465 Eurosque Zephyrosque et ovanteis turbine Coros 629 San. 3,466 Quid loquar, ut gemino numerosas pisce catervas 600 Ov. met. 5,531 lege tamen certa 603 Val. Fl. 4,554 sociis ducibusque 604 Verg. Aen. 1,94 o terque quaterque beati 606 Verg. Aen. 10,3 sideream in sedem 617 Lucan. 2,663 cassus labor 618 Manil. 5,592 quantula praeda maris 622 Verg. Aen. 1,474 amissis Troilus armis 622f. Calp. 3,70 dura ... verbera 624 Verg. Aen. 11,362 nulla salus bello 624 Verg. Aen. 6,51 vota precesque 627 Verg. Aen. 6,40f. sacra morantur / iussa
Munere et exiguo Cereris miserabile vulgus,
Pascendosque viros, pariterque in gramine matres,
Ut duodecim redeat plenis Annona canistris?
Quid dicam? quando tenebrosa nocte per altum
Incedens ponet vestigia libera ponto,
Vixque fretum sicco tanget pede? Scilicet illi
Adnabunt mox fident; Fundo Neptunus ab imo
Excìtus Dominum noscent, positóque Tridente
Cum Glauco, Nereo, sociis, udísque Deabus
Prosiliet, tremulúsque piis dabit oscula plantis:
Sed quid ego tenui vectus super aequora puppi
Cuncta feror referens? non si mihi docta Camoena
Atria, Castaliúmque vadum, Pimplaeaque pandant
Limina, sufficiam: non si mihi Delphica centum
Ora sonent, Helicónque novas in gutture linguas
Surrogent, et totum spirent praecordia Phoebum,
Excelsos valeam Messiae Principis actus
Narrare, ac digno complecti singula cantu.

Previous page

Next page