Pruner, Giuseppe; 1697-1774 (1697-1774) [1744], De partu virginis, versio electronica (), libri tres: 586 + 682 + 683 versus, Ed. Schaffenrath, Florian [word count] [pruner-g-partu].
-- 50 --
Jordanes Antro medius, pronaeque reclinis
Urnae Nereidûm, Thetidem profudit, et undas;
Crystallo, vitróque nitet mirabilis Urna;
Hinc, illinc Amethystus inest, et fulgor Iberus
Temperat arcanis Hyacinthi caerula flammis;
Auget ei meritum munus sat grande Deorum:
Arboreis ibi sculpta comis, plantisque virebat
Sylva racemiferis; Cervi, Capraeque fugaces
Aestivum passim jucunda frigus in umbra
Captabant; resonans lymphis spumantibus amnis
In medio errabat campo, lenique secabat
Cursu prata suo; fulvis hîc corpora setis
Obductus Juvenis, scopuloque excisus in alto,
Fluctibus in mediis Regem, Dominumque Deorum
Abluerat; lecti penes hunc de more Ministri
Subcincti expectant viridanti in littore; pronas
Tendentesque manus in flumina, praebent
Candidulas udo, coelestia carbasa, pallas.
Interea Genitor Summus manifesta sereno
Signa dabat latè coelo: nam missa per auras
Iride cincta caput, ramúmque virentis olivae
Laeta columba ferens Natam Virtute superna
Invisit Sobolem; venerantur Numina Nymphae
Admirabundae; profugasque reconvocat undas
Ad fontem Fluvius. Caelata spectat in Urna
Istas dum species Jordanis, ad omnia voluit
Admirans oculos (nec enim praesagia nôrat)
Aggere cùm fracto vastos erumpere fontes,
422f. San. 3,298f. Ipse antro medius
pronaque acclinis in urna / fundit aquas 424 San. 3,299 nitet urna novis variata figuris 428
San. 3,302 Umbrosis hic silva comis densisque virebat
429 San. 3,303 cervi passim capreaeque fugaces
430f. San. 3,304 aestivum viridi captabant frigus in umbra
432f. San. 3,305f. In medio,
effulgens fluctibus, amnis / errabat
campo et cursu laeta arva secabat
433f. San. 3,307 Hic iuvenis, fulvis velatus corpora setis
435 San. 3,308 regem dominumque
deorum
436 San. 3,310 lecti de more ministri
437 San. 3,311 succincti expectant
440f. San. 3,313f. coelo late manifesta
sereno / signa dabat
444 San. 3,316 venerantur numina
nymphae
445 San. 3,317 refugas ad fontem
convocat undas
446 San. 3,318 dum spectat in urna
447f. San. 3,319f. oculosque ad singula volvit / admirans 449 San. 3,320 insolitos erumpere fonteis
420 Verg. Aen. 4,590 flaventisque
abscissa comas
426 Claud. carm. mai. 8,588 temperat
arcanis Hyacinthi caerula flammis
428 Prop. 3,16,28 arborea ... coma
429 Verg. Aen. 10,724f. fugacem /
conspexit capream
432 Verg. georg. 3,466 medio
procumbere campo
435 Verg. Aen. 10,683 fluctibus ...
mediis
436 Stat. silv. 5,1,39 lectique ...
ministri
438 Verg. Aen. 1,487 tendentemque
manus
440f. Ov. met. 5,468 signa tamen manifesta
442 Ov. met. 1,625 luminibus cinctum
caput
444 Ov. met. 6,44 venerantur numina
nymphae
446 Verg. Aen. 7,792 caelata ... urna
449 Lucan. 2,403 fontibus hic vastis
Fluctivomósque novum latices sumpsisse saporem
Advertit; Torrens citò proluit illius antrum
Spumeus assultans; fractusque refunditur alvêus,
Congerieque redit majore, rapítque sub undis
Grandia saxa; ruit quà quidquid fluctibus obstat;
Haeret is, atque tremit; caput ac dum flumine tollit
Muscosum, Taurísque gerens nova cornua vultu,
Aspicit insolitos succrescere littore flores,
Viváque per tetros discurrere lumina lucos,
Pastorum studiô, laetosque ad sydera cantus,
Pruner, Giuseppe; 1697-1774 (1697-1774) [1744], De partu virginis, versio electronica (), libri tres: 586 + 682 + 683 versus, Ed. Schaffenrath, Florian [word count] [pruner-g-partu].
|