Pruner, Giuseppe; 1697-1774 (1697-1774) [1744], De partu virginis, versio electronica (), libri tres: 586 + 682 + 683 versus, Ed. Schaffenrath, Florian [word count] [pruner-g-partu].
-- 49 --
Quem nullus; maria, ac terras, Coelíque profunda
Afflatu, quo cuncta vigent, quo cuncta moventur,
Sustentans; vitae Dux, gratia, semen honesti,
Lex operum felix, tumidi moderator Averni,
Justitiae Assertor, Sancto cum Pneumate salve!
360 San. 3,252 spinasque clavosque 361 San. 2,253 medicataque
felle
362 San. 3,254 pocula sublimemque
crucem immanemque columnam
365f. San. 3,256f. Innumeras alii
laudes et magna parentis / facta canunt
366 San. 3,257 ut prima novi
fundaverit orbis
367 San. 3,258 moenia telluremque
vagis discluserit undis
368 San. 3,259 ut passim varios coelo
suspenderit ignes
369 San. 3,260 lunamque stellasque;
ut magni lumina solis
370f. San. 3,261f. iam late extremo
tenebris oriente fugatis / protulerit
373 San. 3,263 deiicis exturbasque
polo
374 San. 3,264 cum duce signa suo
376 San. 3,266 Te gemini cecinere
axes
377 San. 3,267 cum fluctibus aequor
378f. San. 3,268f. non avertere
nefanda / crimina, sed laeto spectas
mortalia vultu
380 San. 3,270 dignatasque tuo
solaris numine terras
381 San. 3,271 Salve, magne opifex
coeli, rex maxime divum
389 San. 3,277 Salve author
364 Pers. 4,50 bibulas donaveris aures
365 Enn. epigr. 1,16 maxima fata
patrum
367 Ov. met. 8,596 vagae ... undae
368 Verg. georg. 1,454 rutilo
inmiscerier igni
369 Lucr. 1,5 lumina solis
370 Ov. met. 2,144 tenebris Aurora
fugatis
377 Sil. 16,281 miti reiecit munera
vultu
381 Enn. ann. 456 Saturnie, maxime
divum
386 Manil. 1,289 cuncta moventur
387 Cic. Tusc. 5,2,5 o vitae
philosophia dux
Pignore cum tanto salve, Pater optime! cujus
Unum Numen idem tribus est, tribus una potestas,
Una tribus natura Dei, tribus una voluntas,
Majestas tribus una, Deus ter dictus, et unus;
Ah nobis felix adsis, gentique labanti!
Ingeminant aurae plausus, circumque per oras
Vox abit; et tellus, dein astra canora resultant.
Fors, quà sol nitidum Solymis ciet aureus ortum,
Jordanes, gravium Rex, et Pater almus aquarum
Saxa inter, frondesque inter sibi struxit amoenum
Luxurians Thalamum; tacito cùm pectore sortes
Venturas voluit: Circùm famulantur eidem
Agmina Nympharum, tota Sidone micantum,
Cultúque, et forma, gressu, tunicáque, sinúque;
Plena maris rubri spoliis, collóque, comísque
Divitias jactat Daphne, formosaque Phyllis;
Nisáque Palateae, Calistoque jungitur Helli;
Mox Amarylis adest, sequitúrque Syringa Cydippem,
Suetáque fluctisonas nando fluitare per undas
Asphaltis, syrióque Charis perfusa liquore,
Cui caput implicitum gemmis, it flexile collo
Aurum ingens, mixtis onerosa monilia baccis,
Propexique nitent electro molle capilli;
Imminet his Chloris, Pomona, Diana, Ceresque,
Gratia queîs multo depinxerat ora lepore,
Eloquiique sales facilis, risusque decenti
Majestate graves; Albam comitantur amicam
Sylvia, Leucippe, Dryope, Rosamunda, Rhoeque;
Prima nives vultu, torquent hae fonte pyropos,
Ornat colla cyclas, undant diffusilis auri
394 San. 3,278 et nobis felix terrisque
labantibus adsis
395f. San. 3,279f. Ingeminant plausum
nubes lateque per auras / discursat vox et coeli convexa resultant
398 San. 3,283f. caeruleus rex,
humentum generator aquarum / Iordanes
400f. San. 3,285 venturas tacito volvebat
pectore sortes
401f. San. 3,284f. quem iuxta hilari famulantia vultu / agmina densentur natae 408 San. 3,289 Asphaltisque assueta leves fluitare per
undas
390 Prop. 4,11,12 pignora tanta
397 Ov. met. 2,112 nitido ... ortu
398 Ov. Pont. 3,8,12 gravem vertice
portat aquam
400 Ov. ars 1,110 tacito pectore
404 Lucan. 10,139 plena maris rubri
spoliis, colloque comisque
405 Mart. 12,65,1 formosa Phyllis
409 Culex 14 perfusa liquore
410f. Verg. Aen. 7,351f. fit tortile collo / aurum ingens coluber
Flaventes errore comae Gangetide gaza:
Splendet honora Chlamys, decorat talaria soccus.
Pruner, Giuseppe; 1697-1774 (1697-1774) [1744], De partu virginis, versio electronica (), libri tres: 586 + 682 + 683 versus, Ed. Schaffenrath, Florian [word count] [pruner-g-partu].
|