Felix spelaeum; jam Coeli Rector, et orbis
Ad Cunas matrem, superûmque, hominúmque potentem
Reginam (si certa fides non fallit) et ortum
Vimineo in Qualo Regem dat cernere vobis
Eja citi properate! novique tepentia lactis
Munera quisque ferat, tenerisque alvearia succis
Ditia! mox coeant Citharae, et vocalis arundo,
Insolitúmque melos lituorum, et flabile vulgus
Dulcisonum sistris, et fila sonantia plectro!
Sic ait, et liquidas reticens evasit in auras,
Noctis inaccessis circumvallata tenebris.
Versant ambigui variis sermonibus illi,
Quid superûm sibi dicta velint, quas quaerere Cunas,
Poscere quem jubeant Regem, quam nôsse parentem
Arcto in Praesepi Reginam? frondibus antra 182 San. 3,130 subrisit laetum puraque in luce refulsit 183 San. 3,131 Primi illam sensere canes 187f. San. 3,131f. sensere iacentes / haedorum passim per dura cubilia matres 189 San. 3,133 balatuque ovium valles sonuere propinquae 191 San. 3,134 caput erexere magistri 194 San. 3,137 novis intendite sertis 196f. San. 3,138 reginam ad cunas 197 San. 3,139 (certa fides) 198 San. 3,140 cernere dat 199f. San. 3,140f. novique tepentia lactis / munera 205 San. 3,144 noctis se condidit umbra 206 San. 3,145 vario sermone 207 San. 3,146 quid superum mandata velint, quas quaerere cunas 208 San. 3,147 quos iubeant reges 180 Stat. Theb. 4,266 undantemque sinum 182 Verg. Aen. 2,694 multa cum luce 183 Sil. 14,594 vim primi sensere canes 194 Ov. met. 2,867f. sertis ... novis 197 Prop. 3,8,19 certa fides 199 Verg. Aen. 12,425 citi properate 203 Ov. met. 10,89 fila sonantia 204 Lucr. 5,212 liquidas ... in auras 206 Stat. Theb. 1,672 variis sermonibus
Quae redimire novis? mora nulla: ambire recenti
Quisque parat frontem lauro; sua tecta, domósque
Floribus, ac oleis, ramísque virentibus ornat.
Hinc Cereris calcantur opes; profunditur illinc
Pomonae, Verísque decus, se totaque pulchris
Prospicit Agricolûm glomerata frequentia sertis:
Inde nemus circum lustrant, latosque recessus
Taedis exquirunt accensis; vasta putares
Rura procul flammis candescere; lumine clivos
Insolito flagrare simul: sub Caute patenti,
Tum dumos inter fessi fabricata Cavernae
Tandem saxa vident, propiusque rudentis Aselli
Percepêre sonos; hunc denique turba, Bovémque
Admirans reperit; Joseph quoque cernit, et ipsam
Insomnem lychnis matrem flammantibus, ulnis
Quae teneram pressis Sobolem refovevat, et ora
Suaviolis mulcebat amans, lactísque fluentis;
Hinc atque hinc crines hedera pendente revincti,
Certatim viridem procero stipite Laurum,
Effossámque solo palmam à radicibus imis
Sustollunt humeris; canor insonat undique festus,
Carmine solenni strepit Area, sylva, specusque,
Laetitia, ludisque viae, plausuque susurrant.

Previous page

Next page