Triste jubar stellae intorquent, saevosque cometas
Sectantur, nocuaque premunt caligine terras;
Illis occurrunt, quibus est velocior Euro
Ala duplex, Horae succinctae gnaviter artus,
Quas non lenta quies, non somnus, inersque lacessit
Torpor, at excubiae, quibus est splendentia Divûm
Atria, et Empyreae custodia credita molis;
Ilicet aeratos avulso cardine postes,
Axe poli gemino stridente, cadentibus astris,
Suppositis pandunt humeris: Citò permeat auras
Laetitiae Genius, tetra sub nocte renidens
Mille vagis facibus; gyro gratantur eunti
Sydera composito; festas quoque luna Choreas
Excitat, exultant Hyades, gestitque Bootes,
Plaustra videns auro, totosque nitere Juvencos:
Tunc primùm necti memorant post fata Parentis
Risisse Erigonem, et lacrymas tersisse fluentes,
Ac motus sedâsse feros, et Oriona nimbos.
Nox ut in umbriferos movit vestigia saltus,
Imaque pervasit, quae rusticus incolit, antra,
Pastorumque casas, et lustra peragrat ubique,
Lumine perlustrans tacito loca singula; pennas
Concutit applaudens, radiataque jactat amictum, 150 San. 3,107 sequitur mox inculpata Voluptas 152 San. 3,108 niveam suadens Concordia pacem 154f. San. 3,109f. quae maxima coelo / dicitur 155 San. 3,110 aeternumque micat radiata coruscis 156 San. 3,111 mortalibus aegris 158 San. 3,112 damnant caligine terras 159 San. 3,113 occurrunt Horae 162f. San. 3,114f. his fulgentia divum / limina et ingentis custodia credita coeli 164 San. 3,116 aeratos impulso cardine posteis 166 San. 3,118 obnixae humeris, volat illa per auras 167 San. 3,119 obscura sub nocte nitens 168f. San. 3,119f. gratantur eunti / sidera, iam festas meditatur luna choreas 170f. San. 3,121f. exultant Hyades, gaudet mutata Bootes / palustra auro totosque auro fulgore iuvencos 172f. San. 3,123f. tunc primum visa est miseri post fata parentis / risisse Erigone 174 San. 3,125 ensis subducitur Orioni 175 San. 3,126 Ut vero umbrosis posuit vestigia silvis 177 San. 3,127 culmina conscendit pastorum 178f. San. 3,128f. perlustrans tacitis oculis loca concutit alas / applaudens 156 Lucr. 6,1 mortalibus aegris 159 Claud. carm. mai. 1,100 rapido velocior Euro 163 Verg. Aen. 7,486 custodia credita campi 164 Ov. am. 3,8,32 aerati postes 165 Verg. Aen. 8,59 primisque cadentibus astris 167 Lucr. 4,172 taetra ... nocte 169 Ov. met. 8,582 festas duxere choreas 173 Ov. met. 4,582 lacrimis ... fluentibus 175 Iuv. 10,194 umbriferos ... saltus 178 Verg. Aen. 4,364 luminibus tacitis
Undantemque sinum, cursúque, auraque tumentem;
Mille vibrans circum rutilantis fulgura pallae,
Laetaque subridens, multaque in luce refulgens;
Hanc primi sensêre canes, sensêre Molossi,
Queîs aures, ac ora rigent, quibus aspera cervix,
Rostrum ingens, hirtíque pedes, unguesque recurvi,
Latratu sylvas implentes, naribus ignes
Efflantes patulis: dein hanc sensêre jacentes
Haedorum passim nemorum per inhospita matres;
Balatuque ovium valles strepuêre propinquae,
Et juga; mirantesque fabri, stupidique coloni
Erexêre caput. Tunc has dedit ore loquelas:
O’ Gregis exigui custodes, optima sylvae
Cultrix, et pecudum pubes! gratissima Divis
Progenies! celerate, novis circumdate sertis

Previous page

Next page