Pruner, Giuseppe; 1697-1774 (1697-1774) [1744], De partu virginis, versio electronica (), libri tres: 586 + 682 + 683 versus, Ed. Schaffenrath, Florian [word count] [pruner-g-partu].
-- 40 --
Mox sylvis immissa sera, et squammosus in aequor
Piscis, et in nubes penna fugêre volucres;
Scilicet alitibus dedit aera, piscubus undas;
Quadrupedum generi tribuit Sapientia sylvas,
Perque poli tractus, mediique per aetheris oram
Disposuit solem auricomum, lunamque, coruscis
Omnia lustrantes radiis: Ubi quisque sedili
Coelicolûm genius proprio consederat, hocce
Omnipotens Genitor sermone silentia rupit:
O’ Divûm fortes animae! quae fata potestis
Luciferi meminisse trucis; cùm bella movere
In superos ausum Michael Pugil aethere toto
Armipotens illum furiis, colubrisque minacem,
Sceptráque poscentem, tumidosque in bella vocantem,
In Nos, in fratres immani mole ruentem,
Acer anhelanti similis, similísque Tonanti
Transadigit victor truculenta per ilia ferro,
30 San. 3,20 ipsa suo nevit 35 San. 3,25 gnara operum mater San.
3,24 distinxerat arte
42 San. 3,30 pontumque natari 43 San. 3,30 silvis errare feras 44 San. 3,29 deferri volucres
37 Ov. trist. 4,3,15 fixae nequeunt
tibi dicere flammae
40 Ov. met. 6,19 lanam glomerabat in
orbes
43f. Manil. 4,582 squamosis piscibus
47 Ov. met. 6,695 medius ... aether
48 Ov. met. 1,768 radiis insigne coruscis
51 Verg. Aen. 10,668 omnipotens
genitor
51 Ov. met. 1,208 Iuppiter hoc iterum sermone silentia rupit
52 Manil. 1,758 fortes animae
53 Ov. am. 2,12,21 nova bella movere
54 Verg. Aen. 5,695 ruit aethere toto
57 Verg. Aen. 9,542 immani mole
secuta 58 Verg. Aen. 5,254 acer anhelanti
similis
Et pedibus proculcat ovans; immitia setis
Corpora semiferi, desertoresque scelestos
Urget, et in praeceps pallenti claudit Averno:
O’ quas haec vobis peperit victoria laudes!
Accipite haec animis, monitisque advertite mentes!
Tunc vos fida mihi mansistis turba, Rebelles
Mille catenarum nexus per inane trahentes,
Ructantesque globos ignis, virusque vomentes
Dum devicistis, memoranda trophoea locantes
Coelesti in Circo: Tantis cumulare triumphis,
Vos quoque tot palmis, Regnóque beare superno,
Nostraque praecipuos, lectosque ad jussa ministros
Aequum censuimus; prisci proba gloria facti
Praeplacet usque adeò; nostras et saepe querelas
Vos simul audistis, motos et pectoris aestus
Excandescentis meritò; quum coeca cupido
Numinis indignata jugum, turbasque rebelli
Marte ciens, primíque Parentum infanda propago
Criminis, in duras scidit praecordia poenas,
Tortor, avernalem figens sub pectore legem
Hoc primi genus exitii; fatalis origo
Pruner, Giuseppe; 1697-1774 (1697-1774) [1744], De partu virginis, versio electronica (), libri tres: 586 + 682 + 683 versus, Ed. Schaffenrath, Florian [word count] [pruner-g-partu].
|