Welcome to PhiloLogic |
home | the ARTFL project | download | documentation | sample databases | |
Roschmann, Anton; 1694–1760 (1694–1760) [1743], Iter Bulsanense 1740 confectum, integre descriptum 1743, versio electronica (), 5 folia, Ed. Schaffenrath, Florian [word count] [roschmann-a-iter].
Surrexit non est hic aiebat nuper angelus ad foeminas sepulchrum Christi invisentes. Liceat mihi eadem verba de binis litterariae Societatis nostrae membris repetere, quos per elapsas ultimas Christi surgentis festivas luces, nescio an utilis curiositas, an terras nondum visas lustrandi cu- piditas ex musaeo suo surgere et alio abire coegit. Unus equidem horum, laborum suorum Academicorum ac praecipue sincerae illius ad Caesarem submissae in- formationis et laetus et fessus liberi- ores auras serio aspirare coepit, cumque has in Oenipontano climate diu iam cum taedio suspirasset et frustra hac- tenus exspectasset, ad temperatam magis huius veris tempori [ERROR: no reftable :]convenientem melius regionem anhelabat hominem igitur serendis sermonibus, ut sibi videbatur, aptiorem et qui velut facundus comes in via pro baculo esset aversiri iubet, expositoque itineris de- siderio socium expetit et vel inscia etiam coniuge impetrat. Ambo igitur equis cursoriis vecti praeteritâ Veldidena montem Schönbergium superant, dein Matreium nobile ac perantiquum tabulae Theodosianae oppidum per transenna salutantes Stainacum devehuntur, ubi lautiori caena comitem suum nondum bene ad iter compositum, et tacite non- nihil invitum, vir ille nobilis exce- perat et utrumque contra hybernas Euri Notique in celebri monte Pyren. iniurias utili plane, imo necessario consilio munierat, conscenso igitur rursum curru ad secundum a Stainaco lapidem tabulam illam aeneam, quae occurrentium sibi Caroli V, Imp. et Ferdinandi I. Rom. Reg. fratrum memoriam hac inscriptione servat, quantum per ten-
Roschmann, Anton; 1694–1760 (1694–1760) [1743], Iter Bulsanense 1740 confectum, integre descriptum 1743, versio electronica (), 5 folia, Ed. Schaffenrath, Florian [word count] [roschmann-a-iter]. |