Welcome to PhiloLogic |
home | the ARTFL project | download | documentation | sample databases | |
Anonymus [1646], Spes aurei saeculi/Tyrolis pacifica, versio electronica (), 25 folia, Ed. Tilg, Stefan [word count] [anonymus-spes].
Steropes: Quin dubito? Ferreolus: Propera iam, si te dij amant, aut peristi! Steropes: Tu male peri! Omnes: Ad incudem, ad incudem fingemus te iterum! Steropes: Feri, Mulciber, feri, nisi omnia consumpsit fulmina supremus Iupiter, feri, si fulmen calet! Ferreolus: Si undecim fabros praeter se secum adducat Mulciber, ita non omnes e cruciatu eximere poterunt Steropem. Steropes: Iniuria est, vos mihi vitio vertere, ipsimet, furciferi, quod factitatis! Omnes: Nos Paci locamus operam, Pacis arma cudimus. Ferreolus: Tundite, cudite, recudite ad numerum, ut terra contra consonet. (Musica fabrilis)Steropes: O Mulciber, Mulciber! Ferreolus: Ad opus, ad opus! Scabies ultimum occupet!
Anonymus [1646], Spes aurei saeculi/Tyrolis pacifica, versio electronica (), 25 folia, Ed. Tilg, Stefan [word count] [anonymus-spes]. |