Steropes: Quin dubito?

Ferreolus: Propera iam, si te dij amant, aut peristi!

Steropes: Tu male peri!

Omnes: Ad incudem, ad incudem fingemus te iterum!

Steropes: Feri, Mulciber, feri, nisi omnia consumpsit fulmina supremus Iupiter, feri, si fulmen calet!

Ferreolus: Si undecim fabros praeter se secum adducat Mulciber, ita non omnes e cruciatu eximere poterunt Steropem.

Steropes: Iniuria est, vos mihi vitio vertere, ipsimet, furciferi, quod factitatis!

Omnes: Nos Paci locamus operam, Pacis arma cudimus.

Ferreolus: Tundite, cudite, recudite ad numerum, ut terra contra consonet.

Steropes: O Mulciber, Mulciber!

Ferreolus: Ad opus, ad opus! Scabies ultimum occupet!

Previous page

Next page