CroALa & LatTy: nodus

Nodus 72086 in documento stephani-b-copiae.xml

455. An Abt Georg IV. Müller von Kaisheim [Stams], 1. April 1664 Im Namen von Abt Augustinus Haas: Vor vier Tagen wurden die zwei versprochenen Fässer Wein für Kaisheim nach Füssen zu Johannes Spaiser geschickt, wo sie Abt Müller abholen lassen soll. Rot- und Weißwein sollen den Kaisheimern schmecken, wenn der letzte Sommer auch sehr verregnet war und nicht zur Reife der Trauben diente. Den nun wieder fälligen Beitrag für die Kongregation wird der Abt von Salem, der in Stams noch hohe Schulden hat, übernehmen. Ad abbatem Caesariensem 1. Aprilis 1664, nomine reverendissimi. Reverendissime in Christo pater et amplissime praesul, observandissime domine domine

(1) Pollicitis pollicitis] Vgl. ep. 454. steti et promissa ovi paschalis vice duo nostratis voni doliola ante quatriduum ad oppidum Fiessense ablegavi apud officialem meum Ioannem Spaiser tantisper in sequestro permansura, dum reverendissimae amplitudini vestrae libeat ea inde sustollere. (2) Sanguinem misi et lacrimas Tyrolensis uvae, quae si ad gustum et palatum reverendissimae amplitudinis vestrae forent, lubens perciperem. (3) Certe aestas praeterita coquendis racemis benigna non fuit ob nimiam pluviarum exundantiam, et nisi autumnus serenior aliquid de genimine vitis adhuc ematurasset, nae exigua nobis et curta futura fuisset vindemia.

(4) Quia in ianuis rursum est tempus contributionis pro ordine Romam mittendae, spero me hoc anno e pendenda sportula liberum fore, siquidem (quod reverendissima amplitudo vestra forsan adhuc meminerit) reverendissimus dominus abbas Salemitanus, reverendissimus ... Salemitanus] Gemeint ist Abt Thomas II. Schwab von Salem. qui monasterio Stambsensi mille florenorum nomine obstrictus est, ante annum diserte promiserat se loco meo portionem, quae me respicit, ex crumena Salemii persoluturum, quod cum tunc effectui non dederit, utpote 20 florenis, quos reverendissimae amplitudini vestrae coenobium meum visitanti commiseram, ex Caesarea mox subsecutis, credam eundem reverendissimum dominum vicarium generalem congregationis nostrae hoc anno fidem suam liberaturum, cuius rei ut illum reverendissima amplitudo vestra verbo admonere velit, quando suam et reliquorum coabbatum pensiones in Salem directura est, enixius oro ac simul maneo.