CroALa & LatTy: nodus

Nodus 63173 in documento stephani-b-copiae.xml

224. Stephani an Graf Guidobald von Thun, Dekan des Salzburger Konsistoriums [Stams], 11. Mai 1652 Stephani bedankt sich, dass der Stamser Zögling Albericus Manincor vor kurzem durch das Konsistorium in den Subdiakonatsstand erhoben wurde. Nun bittet er den Dekan darum, Manincor in den Diakonatsstand zu erhöhen. Er hat Manincor im Einverständnis mit Abt Gemelich, der gerade in Donauwörth weilt, bereits angewiesen, nach den nächsten Ferien vor dem Konsistorium zu erscheinen, um sich prüfen zu lassen. Ad reverendissimum dominum consistorii Salisburgensis decanum, dominum Guidobaldum comitem de Thunn, 11. Maii 1652. Submissas preces et humilem religioso e pectore salutem

(1) Quod nuper evolutis sacratioribus quadragesimae diebus a reverendissima ac perillustri dominatione sua religiosus frater Albericus Manincor, monasterii nostri Stambsensis professus, ad ordinem subdiaconatus tam dignanter et gratiose admissus fuerit, merito est, cur reverendissimae ac perillustri dominationi vestrae quam debitas tam ferventes gratias agam. (2) Quae ut prolixiores fiant, alterum adhuc a perillustri manu beneficium vel gratiam ambio et confidenter exposco nec aliam, quam ut reverendissimae ac perillustri dominationi vestrae praedictum fratrem nostrum ad gradum quoque diaconii gratiose provehere placeat. (3) Quem in finem eidem Alberico nostro de expressa voluntate reverendissimi domini mei abbatis reverendissimi ... abbatis] Gemeint ist Abt Bernhard Gemelich. modo Danuwerdae in comitiis ordinis provincialibus agentis mandavi, ut proximis a pentecoste ordinationum temporibus et hasce reverendissimae ac perillustri dominationi vestrae et se ipsum toti clarissimo consistorii archiepiscopalis consilio examinandum praesentaret, cui sicut requisitum aetatis haud deesse certus sum, ita et litteraturae tantum eidem fore confido, ut in arena examinis tuto cribrum possit evadere. (4) Atque hisce finiens reverendissimae ac perillustri dominationi vestrae cum reverentiali dexterae suae osculo me totum quantum demississime commendo.