CroALa & LatTy: nodus

Nodus 58554 in documento stephani-b-copiae.xml

96. Stephani an Abt Bernhard Gemelich in Innsbruck [Stams], 15. Januar 1647 Es können derzeit keine Schiffe nach Innsbruck geschickt werden. Weil der Abt aber sofort ein Fass Wein aus dem Stamser Keller verlangte, schickt ihm Stephani dieses durch eigene Boten. Der Fürstenfelder Pater Albericus hat mit dem Schatz seines Klosters Stams verlassen, da er einen baldigen Einfall der Feinde nach Tirol fürchtet. Bregenz sei schon eingenommen, Tirol liege ohne weitere Festung da. Stephani hat ihn jedoch gerne ziehen lassen. Ad eundem ibidem commorantem, 15. Ianuarii 1647. Reverendissime in Christo pater, observandissime domine domine

(1) Cum ex una parte brumoso hoc tempore rates citra periculum Oeno committi nequeant ob testas glaciales impingentes ac ratibus occursantes ac insuper nauta Silzensis, Barrabas, diebus istis lecto aeger decumbat, ex alia vero parte reverendissima pietas vestra haustu competente destituta ex penu suo vinario, quam citium fieri potest, sibi provideri desideret, consultissimum duxi, dolium vini designatum per aurigas et equos proprios reverendissimae pietati vestrae absque interposita mora transmittere, quibus vicissim frumentum e censibus collectum et penes Paulum Hoenegger depositum in Stambs advehi queat aliave negotia demandari.

(2) Pater Albericus pater Albericus] Vgl. >Primisser cap. 42 § 19 Albericus monachus de Campoprincipum Stamsio et sibi timens domum remeabat. Firstenfeldensis fortunae diffidens et sacram coenobii sui suppellectilem in salvo constitutam cupiens iter ad reverendissimum suum arripere decrevit expositurus eidem, qua ratione Brigantio Brigantio] Zu den Kriegsereignissen vgl. Primisser cap. 42 § 19 At cum novo anno MDCXLVII novus denuo metus incessit Tirolenses Brigantium Ianuario mense hosti in praedam cessit. aliisque locis conterminis ab hoste iam occupatis, tam monasterium nostrum quam tota etiam patria Tyrolensis periclitetur, utpote cui versus partes Brigantinas fortalitium restet nullum arcendis hostilibus turmis opportunum. (3) Et quia ad eventum irruptionis futurae (quam superi avertant) vix nostris rebus tutandis spatium superfuturum metuimus, tanto praedictum patrem in causa hac abeuntem libentius manu misimus, quanto gravius nobis caderet peculium salvare alienum proprio derelicto. (4) Interim vero providentiae divinae omnia committentes meliora sperabimus ac precibus nostris impetrare nitemur.