CroALa & LatTy: nodus

Nodus 58128 in documento stephani-b-copiae.xml

84. Stephani an seinen Bruder Laurentius Stephani in Wilten [Stams], 26. September 1646 Stephani informiert seinen Bruder, den derzeitigen Vorsitzenden der Erzbruderschaft zum ewigen Rosenkranz, dass ein Mitglied der Bruderschaft, Bruder Christoph Haring, am 29. August verstorben ist und dass ein weiteres Mitglied, Pater [Lebersorg], im Sterben liegt. Stephani schickt die Bruderschaftshabseligkeiten Harings zurück. Ad fratrem meum Laurentium, canonicum Wilthinensem, archiconfraternitatis praesidem, 26. Septembris 1646. Admodum reverende et clarissime domine, frater mihi semper amantissime et colendissime

(1) Numerus militum Deiparae sub perpetuo Rosario merentium (ut nova nuntiem) rursus uno capite imminutus est. (2) Obiit scilicet ex nostris conversus quidam, frater Christophorus Häring, 29. Augusti 29. Augusti] Zum unsicheren Todesdatum vgl. Noten zu ep. 82,2. humanis exemptus, cuius schedam et horam vacantem reverendae admodum dominationi vestrae, pro eo ac par est, remitto alio oratore supplendam, quam vereor ne in brevi altera subsequatur expiratura obitu venerabilis patris senioris nostri, venerabilis ... nostri] Gemeint ist Pater Wolfgang Lebersorg. qui (licet sine doloribus) grabato affixus et senio animam urgente adventum Domini in horas exspectat. (3) Illum reverendae admodum dominationi vestrae ac toti praeclarae confraternitati in consueta mortuorum suffragia, hunc vero adhuc luctantem in devotarum animarum preces sollicitius commendo.

(4) Quot porro de schedis praenominati rosarii ad distribuendum pridem mihi communicatis, hactenus dispertiverim, ex adiecto indiculo reverenda admodum dominatio sua perspiciet, certa de me, impigre sim praestiturus, quippe cui vix aliud magis cordi, quam incrementum huius saluberrimae devotionis. (5) Haec raptim. Plura forte coram post nundinas Halenses.