CroALa & LatTy: nodus

Nodus 41567 in documento anonymus-spes.xml

Spes aurei saeculi In auspicatissimis Ferdinandi Caroli Austriaci, Annae Mediceae, Serenissimorum Austriae Archiducum Nuptijs Musico enthusiasmo concepta et in theatro cantata a Musis Oenipontanis. Anno M. DC. XLVI. Jun.

Domi nobis honorarij huius spectaculi argumentum est natum, Ferdinande Carole, Archidux et Sponse Serenissime. Amabilem Patriae Pacem, quam supremi Numinis favore et bonorum caelitum patrocinio Serenissimus Parens tuus Leopoldus gloriosissimae memoriae pietate et fortitudine sua inter vicinum armorum strepitum fundavit et Serenissima Mater tua Claudia indefessa vigilantia et prudentia conservavit tuque Patriae aeternam stabilies, spectandam damus.