CroALa, 2024-05-03+02:00. Nodus 1596 in collectione latty.
Functio nominatur: /node/latty/1596.
XXIV (1) Mirabantur intereà multi statuas aere fusas, quae hortum aulicum Pontipoli summopere adornabant, navibus commissas Undipolim avectas, quas inter nominatissima staturâ viri expressa equo insidentis, numerabantur; incertum an fortè captae Lotyris argumenta domi ostentanda? vel de Regione diutiùs possidenda dubitantium aut desperantium indicia?
(2) Metuebant qui
dam malè, aut ominabantur potiùs, ne statuis toto in orbe notis, et in templo Druydum hactenùs asservatis idem eveniat; aut pari ritu aurei tecti laminis, ut olim â Dionysio, aureo Jovi suo sacrificetur.