CroALa, 2024-05-03+02:00. Nodus 15886 in collectione latty.
Functio nominatur: /node/latty/15886.
XLIII „Cantatum satis est, vates, suspendite plectrum!“ veste trahens modicum et tacitus tandem inquit Apollo: „Rumpimus indignos cantus tanta hospite. Nostro, o regina, alio properanti ne mora cantu iniciatur iterque et tempora fausta precamur pergenti ad sponsum, sine quo tibi temporis horae stelliferis oris procedunt tardius aequo. Exspectat pariter sponsus iam bracchia sponsae obvia in implexum stringens iamque ora requirit. I, propera nec enim credis, Lucina Viennae quos quantosque tibi thalamos instruxerit! Imple spem populi recreaque novo cito principe gentes!“ Hactenus occulta sub veste canebat Apollo. At nunc seposito velo, o regina, precatur, ante sub ignota fuerat quae veste precatus, rector magnificus, quem hinc antque hinc bina facultas circumdat. Quarum solo de numine novit prima loqui. Sequitur Galenus et ipsius agmen. Hinc, quae de sacrae Themidis sortita bilance nomen. Quaeque Stagiritam sub gurgitis undas Euripi Am Ende seines Lebens ging Aristoteles nach Euböa jenseits der Meerenge Euripos, wo seine Mutter ein Gut besaß, um einem Prozeß in Athen zu entgehen. usque ducem sequitur. Pia suscipe vota!Sic vale et exiguo Musarum ignosce labori! cecinit Universitas Oenipontana