CroALa, 2024-04-29+02:00. Nodus 992655 in collectione croala.
Functio nominatur: /node/croala/992655.
LXXXVIII. IN ORCAM, CUCULLATUM CONCIONATOREM, CORNELII A LAPIDE COMMENTARIA CONTEMNENTEM. AD FRONTONEM EPIGRAMMA 49.Orca, cucullatus bene pastae morio buccae, Cornelium adlatrat: sic mihi, Fronto, refers. Pace tua, haud credo. Nimium sapit Orca, subulci Sit quamvis soboles carnificisque nepos. Tam pulchre loquitur, cum scandit pegmata, ut idem Albritius voces censeat esse suas. Tam salibus placet, ut toties, velut Orpheus, ulmos Traxerit et crassos in sua terga sudes. Cornelium, quem nempe sui coluere parentes, Ille colit, quantum vix coluisse putes. Sic colit, ut nomen Corneli in fronte coruscet, Cognomenque habeat semper in ore suo.