CroALa, 2024-04-29+02:00. Nodus 992284 in collectione croala.
Functio nominatur: /node/croala/992284.
LXXXI. IN PULLUM, NIGELLUM IUVENEM EPIGRAMMA 42.Pulle, quid adsciti lascive propola nitoris Per fora compositos fersque refersque gradus? Cumque exhalata vincas tria funera myrrha, Crinalisque fluat per tua terga cinis, Non metuis corvos? Pretiosum absconde cadaver, Quod iam semustum denotat atra cutis. Perge tamen, similes corvus non distrahit artus, Cognataeque dapi parcere novit avis.