CroALa, 2024-04-29+02:00. Nodus 991929 in collectione croala.
Functio nominatur: /node/croala/991929.
LXXVII. XAVERIUS CONSPECTU IPSO BADAGAS FUGAT. EPIGRAMMA 40.a)Infremuit Badagum furor, et feralis Enyo Extulit horrendam sanguinolenta facem. Vix fert barbariam tellus: Travancoris ora Ante tubam subito victa timore cadit. Sed maior tamen orbe nec expugnabilis armis Omnibus hanc trepidae detulit unus opem: Constitit ad portas et sacri fulgure vultus Hostem incomposita iussit abire fuga. Dum solus venis et vincis, Francisce, videndo, Cur non Ausonio Caesare maior eris? Attamen haud unquam melius te barbarus hostis Agnovit quam cum cernere non potuit.