CroALa, 2024-04-28+02:00. Nodus 985456 in collectione croala.
Functio nominatur: /node/croala/985456.
XXXIX. MONIMA DIADEMATE SUSPENSA EPIGRAMMA 16.Ut vidit Monime fatali saucia ferro Corpora seminecis procuibuisse viri, Exarsit furiis et pallida morte futura Edidit extremos ore tremente sonos: »Quae mihi pars regni fuerant te sospite, vittae Te caeso, coniux, pars mihi mortis erunt. Par est, si pereo, ne vivam serva doloris, Regali veniat mors mihi culta modo. Sint sine te dominae mihi mortis signa coronae, Cui certe regnum est te moriente mori.« Dixit et implicitas pressit diademate fauces. Ambitio, haec capiti est danda corona tuo.