CroALa & LatTy: nodus

Nodus 846299 in documento skrl-2.xml

---

7. 31. Octobris 1797. Draghi prijatel!

1 Pun

(NAZ, EAE, sv. 114, br. 142.)

je Zagreb, da ja dobim administratora ali Bedekovich Franczeka, ali Orsicha. 2 Z jedne sztrani dvojim od toga, kajti ti, ki szi bliszu pri zdenczu, iz koga bi to dojti moralo, nikaj mi josche od toga niszi obznanil; iz drughe sztrani vendar moguche mi sze vidi, kajti previgyevam vszakojache novine po miru, za koje iszpelyati znamdar terszili sze budu szpraviti zaufane lyudi na onu chaszt ku ja obnasam, ne szamo pri nasz, negho y vu Vugerszke zemlye. 3 Proszim te obznani mi jeli kaj vu tom dugovanyu, da sze bum znal ravnati.

4 Da mi ne bi bilo za one 1200 RF koje bi ztem nachinom zgubil, ne bi szi szkoro nikaj sztem glavu terl. 5 Ovak ne morem tajiti da ti zgubichek bi jako chutil. 6 Zato proszim te, draghi prijatel, ischi ako mores to kak preprechiti. 7> Znam dar vzemu za praetextus moju gluhoczu. <8 Ali szpomeni je, kaj im to pachi, da vide da y polegh nye poszli bolye idu negho budu isli pod kemgoder ki na moje meszto dojde. 9 Szpomeni nyim spital, orphanotrophium, koga taki kak spital sze dokoncha genuti kanim y koji, ako ja otidem, szegurno vusztane. 10 Zajdnich uputi je da po one machine, ku mi preszkerbis, y gluhoche moje sze pomore.

11 Ako vendar ze vszem tem ne bi nikaj mogel opraviti, proszim te, terszi sze konch to opraviti da mi sze pol plache osztavi. 12 Za on mali trud koga szi administrator, kak previgyevam, jemal bude, more content biti z poloviczum.

13 Ako je za iszto szamo med Bedekovichom y Orsichom pitanye, iz lyubavi proti tvoju domovinu y kralyevszku szlusbu, pripomori kaj mores da bu raissi Bedekovich, ar on konch ne pokvari kaj szem ja pri varmegye naravnal. 14 Ako on ima biti, uffaszem da ako mu od moje sztrani proponujes y nagovaral ga budes, da on szam prisztane na poloviczu plache. 15 Ova ti zato tak zaufano pissem y proszim kajti za tverdno dersim da tvoje proti meni prijatelsztvo je tuliko, da vu poszlu nad kojem mi je tuliko leseche, najdes ti nachin z kojem sze vu nyega puschati bus mogel, ako prem on tebe izdraven ne dotiche. 16 Proszim te odgovori mi taki, ako nikaj ni vu dugovanyu, da bum mirnessi: ako pak je, obznani mi sztoprav ona, kada poszel vre napnes, kaj sze uffati morem.

17 Zbogom. 31. Octobris 1797.