CroALa, 2024-05-19+02:00. Nodus 826624 in collectione croala.
Functio nominatur: /node/croala/826624.
Dum eadem consyderat sapientię antistes Salomon, uociferatur et ait:
Vanitas uanitatum, et omnia uanitas.Et iterum:Vidi cuncta, quę sunt sub sole, et ecce uniuersa uanitas et afflictio spiritus.Et:Risum reputaui errorem, et gaudio dixi: Quid frustra deciperis? Nihil permanet sub sole.Et:Omnia tempus habent, et suis spaciis transeunt uniuersa sub cęlo.Deffinire autem uolens, quid esset in uita optimum:Et cognoui— inquit —quod non esset melius nisi lętari, facere bene in uita sua. Omnis enim homo, qui comedit et bibit et uidet bonum de labore suo, hoc donum Dei est.Ad hęc peccatorem solicite exhortans:Quodcunque facere potest —inquit —manus tua, instanter operare, quia nec opus, nec ratio, nec sapientia, nec scientia erunt apud inferos, quo tu properas.Ac ne aliquid esse putemus diu uiuere:Si annis multis —inquit —uixerit homo, et in omnibus lętatus fuerit, meminisse debet tenebrosi temporis et dierum multorum. Qui cum uenerint, uanitatis arguuntur pręterita.