CroALa, 2024-04-29+02:00. Nodus 775347 in collectione croala.
Functio nominatur: /node/croala/775347.
Fuderat immitis quamplurima tela Cupido; Sed somno tandem languida membra dedit Fluminis in ripa fessus. Foedissima vultu Tunc vetula accessit nomine avarities; Et rapuit fugiens auro fulgentia quotquot Tela tenebat amor , cui nova tela dedit. Ut puer evigilans novit procul esse sagittas, Vindicibus crebro quae nocuere Diis, Perditus incassum flevit; nunc laedere nescit; Vel tantum telis laedit avaritiae.