CroALa, 2024-04-28+02:00. Nodus 775028 in collectione croala.
Functio nominatur: /node/croala/775028.
Garrula vult nunquam de se Lucrina silere; Dat laudis , quantum non licet, ipsa sibi; Et nymphas inter pulchram se judicat unam; Unica sic Phoenix dicitur inter aves. Ut Veneris fulget formosum sidus in axe , Vel Beronicei (58) verticis alma coma , Sic ait eniteo: quo pergo tramite, amoris Excipiens telum plurima turba gemit. Illi sed nemo vult hanc concedere laudem. Se, dicit, multos , ipsa, dedisse neci; Sola tamen dicit; se flammis urere (59) dicit, Quem semel arguto, (60) viderit intuitu. Quam digna est risu! nullos inspirat amores; lpsa tamen diro saucia amore perit. (61)