CroALa, 2024-04-29+02:00. Nodus 774371 in collectione croala.
Functio nominatur: /node/croala/774371.
O quae scis partes humani corporis, et quae Vincla ligant partes dinumerare manus; Mira licet fragilis nos haec structura superbos Efficit; haec nobis nota fit artis ope, Quam tibi mens acris dictat. Quis calluit artem Hanc melius? Quisnam tam bene quae latitant , Eruit, et cultro solers evolvit acuto? Rimari latebras tam bene quis potuit Sepositas , queis mors celatur lurida , donec Approperet moesti funeris atra dies, Qua tandem exultet victrix? Ostendere si vis, Vita fluens nodo pendeat ut fragili, Me trepidare facis; vim contra mortis acerbam Quid tua vis valeat , pandere si libeat , Spes oritur, vincitque metum; sapientia praestat Vim tibi , quae mortis vim superare queat.