CroALa, 2024-04-29+02:00. Nodus 773520 in collectione croala.
Functio nominatur: /node/croala/773520.
Sacra manus, crinem levibus quae tradidit avris, De nostro sectus vertice qui cecidit: Grandia quae referens mysteria rite patebat Devotum Superis hoc super alma caput; Ipsa dat hanc citharam nobis, alasque ministrat, Queis juga praecelsi montis adire licet; Antennasque cito raptas attingere fluctu. (28) Quid mihi jam censor criminis obiicies; Qui lenem rigidus cantum, citharamque solebas Auratam, et velox arguere ingenium? Ah sapias, vatem dictis ah laedere parcas:An sacrum vates munus obire nequit?