CroALa, 2024-04-28+02:00. Nodus 771993 in collectione croala.
Functio nominatur: /node/croala/771993.
O Satyre, arrepto teneo te denique collo; Non rapiet nostris te fuga de manibus . Haec te mulctabit fustis, tibi donec ab armo Prosiliat sanguis. Carpere tene meos Conspexi lauta pendentes vite racemos Ungue fero? Has uvas, o scelerate, scias Ireni placuisse meae, cui tradere dono Has uvas uni me voluisse, scias. Incassum timida purgas te voce; furorem, Quo semel exarsit , ponere nescit amans.