CroALa, 2024-04-28+02:00. Nodus 771091 in collectione croala.
Functio nominatur: /node/croala/771091.
En Phoebus radiis Dominae penetralia lustrat; En splendet multa luce fenestra patens. Mens mea corde metum quamvis agitata fugabat; Plurima praedicit, plurima cernit amans. Ireni parcet morbus mens praescia dixit, En valet; haud illam febris acuta premit. Ipse meis lacrymis placavi sidera; flente Me propulsarunt cuncta pericla Dij. Saevitiem Dominae mulctabant numina; sed vim Non parvam lacrymae vatis amantis habent.