CroALa, 2024-04-29+02:00. Nodus 770976 in collectione croala.
Functio nominatur: /node/croala/770976.
Non lavrus, fagusve tuo me nomine captet; Exosas ferrum cogat abire notas. Me frustra vultu simulato, perfida, mulces; Sperabas vatem fallere posse diu. Callidus ex oculis animum cognoscere possum; Hanc artem Euterpe tradidit ipsa mihi. Quae dictavit amor, didici documenta, poetas Admonet ipsa novos, ipsa magistra docet. Te non esse meam, nequeo nescire, nefanda Jam fravs Euterpes munere tota patet.