CroALa, 2024-04-29+02:00. Nodus 770540 in collectione croala.
Functio nominatur: /node/croala/770540.
Hic Gnidus, en sacras portas, en aurea templa; Tam dubiae sortis nolo timere vices. Has mihi amicitiam nitidas promittito ad aras, Namque tuam dicis labe carere fidem. Impune hoc nequeunt perjuria laedere templum; Hoc signum scito vindicis esse Deae. Non aer, non unda tibi, non littora parcent, Nunc si voce tua decipiatur amor.