CroALa, 2024-04-28+02:00. Nodus 770428 in collectione croala.
Functio nominatur: /node/croala/770428.
Tramite me solito mea pergere vota jubebant, Dum cupio Irenem mane videre meam. Speravi dulcem procurrens cernere vultum, Cernere nec potui, sors mihi laeva fuit. Spectabam cupidus solito de more fenestram; Nec sese objecit splendida forma mihi. Qua venturus eram, quid non tibi dixerat horam, Tam bene quam poterat scire, dolosus amor? (a)