CroALa, 2024-04-29+02:00. Nodus 770204 in collectione croala.
Functio nominatur: /node/croala/770204.
Insomnis tota vigilavi nocte, molesto Languida nec potui membra levare toro. Conspexi lucem, licuitque recedere lecto, Cum fuit a Phaebo multa peracta via. Febre agitor gemina; quam morbidus intulit aer, Viribus herbarum febris abire potest; Quam produxit amor, non est medicabilis herbis: Posset at, Irene, munere abire tuo. Tollere quam nescis, velles mihi tollere febrim; Tollere quam scires, tollere saeva negas.