CroALa & LatTy: nodus

Nodus 751431 in documento frankapan-krsto-epist-1525-08-09.xml

XIII/1 1525. 9. Augusti, Budae Chistophorus de Frangepanibus comes Clementi papae VII. Segr. Stato, Principi, 3, f. 226. Fragmento sigilli papyro tecti. Editio: THEINER 1860, n. DCCCLVI, p. 652-653. [Inscriptio in extera parte litterarum:] Beatissimo Clementi Dei gratia pontifici VII, domino nostro semper observandissimo [Alia manu:] Christophori Frangepan ex Buda Augusti 9. Beatissime pater, domine, domine ac maior plurimum mihi observandissime! Humili commendatione praemissa.

Mitto ad Beatitudinem Vestram fidelem servitorem meum, nobilem virum Hięronimum de Iadera, harum praesentium exhibitorem ea et occasione Sanctitati Vestre nonnulla nomine meo expositurusque et dicturus. Quapropter quicquid per eundem Hieronimum dictum aut expositum fuerit Sanctitati Vestre, ea omnia nomine ac de commissione mea dicere videatur. Cui quidem Sanctitas Vestra tam persone, quam verbis per eum expositis plenam ac indubitatam fidem adhibere velit, et omnia nomine meo dixisse videatur. Per quem Hieronimum Sanctitati Vestre munere mitto unum equm in expeditione Iaÿci iusto bello acquisitum. Quamvis non sit ea qualitate, qua Sanctitati Vestre competeret, in mea humilitate potius, quam dono fretus mittere Sanctitati Vestrae dedicavi stante prima expeditione Christianorum contra Turchas per me facta. Prout illum superlucratus fui, in eo statu Sanctitati Vestre illum remitto, quem a devoto servitore vestro in signum leticie ac illari vultu dignemini acceptare sperando tamen divino spiritu afflante paucis temporibus alios Sanctitati Vestre munere deducere etiam in dictis expeditionibus acquirendis, supplicamus, ut et patrem et me ab omnibus nos opprimi volentibus in comendatos habeat tamquam Sanctitati Vestre devoti ac fideles fillii. Cui humilliter ac devotissime sese comendamus et offerimus nosque cetera nostraquę.

Sanctitas Vestra feliciter ac diu valeat Nestoreosque annos vivat. Ex Buda, die IX. mensis Augusti anno Domini MDXXV. Eiusdem Sanctitati Vestre dedicatissimus servitor Chistophorus de Frangepanibus etc. comes manu propria