CroALa, 2024-04-29+02:00. Nodus 695724 in collectione croala.
Functio nominatur: /node/croala/695724.
In Hieronymum Papalem, psalocitharistam omnium pręstantissimumCantibus Orphei Rhodope lętetur et Hemus, Thebe Amphioniam laudet ametque lyram; Pandus et argutum quod gessit Ariona delphin, Hoc Metimna super sydera cuncta ferat. Gloria non leuior Spalatinę contigit urbi: Hieronymum quo se tam bene iactet habet. Huic admirantes plaudunt hominesque deique Quum cytharam digitis pulsat et ore canit. Hunc prędulce melos Musę sensere sonantem Nullaque non Phoebi credidit esse sui. Fama licet saxis alios placuisse ferisque, Hic placet his quorum mens animusque sapit.