CroALa, 2024-04-29+02:00. Nodus 361831 in collectione croala.
Functio nominatur: /node/croala/361831.
14. in detractores pro magnifico Petro Triuisano, Spalatensium rectoreMens mala, corrupti mores, ignobile uulgus Et cum periura lingua canina fide: Hei duo pacificam turbantia carmina mentem, Nescio quod dedecus conuiciumque nefas, Ausa fuere modo genuinos frangere dentes Nomen et illius uelle notare uiri, Qui tulit huic miserae tantum solaminis urbi, Aegroto quantum ferre medella potest; Qui populos ratione feros grauitate coercet, Conspicua cunctos qui pietate fouet; Quo melius quicquam uoto exoptarier ullo Haud potuit, probius iustitiaque prius. Nil nocuit sed enim foedae petulantia linguae, Iccirco mala mens uicta dolore iacet. Victa iace, mala mens: mala dis tribuantur iniquis Cuilibet, exemplo corruat ipse suo. Non potis est claram uirtutis rumpere famam Improbo: stat titulis non uitiata suis.