CroALa, 2024-04-29+02:00. Nodus 310682 in collectione croala.
Functio nominatur: /node/croala/310682.
Ad Franciscum IstrumHei mihi, cur laceras discedens pectora nostra, Eurialos inter semper habende meos? Sollicitat te dulcis amor, Francisce, tuorum Carior et uita forsan amica tua. I celer, et facilem donent tibi numina cursum, Vt patrios ualeas sospes adire lares. Te tua gaudebit perfoelix sospite tellus; Quales amplexus oscula quotque dabunt! Tunc mea Musa tibi pro me dabit oscula; ne sis Immemor, a, nostri, basia Musa dabit.