CroALa, 2024-04-28+02:00. Nodus 309081 in collectione croala.
Functio nominatur: /node/croala/309081.
Ad Vrbanum presulemVile mihi argenti sit semper pondus et auri, Auriferi pereat diues harena Thagi! Pulchra minusque iuuant auratis tecta columnis Tinctaque nec Tyrio murice lana iuuat. Quippe nihil Musa melius, nil carmine maius, Castalios placeat ludere saepe modos. Hac te, Vrbane pater, dulci celebrabo Camoena, Tu quia sic nostra laetus es ipse dea. Nanque Vrbanus erit noster famosus Vlixes, Dum cantat nostro Callyopea sono.