CroALa, 2024-04-29+02:00. Nodus 302472 in collectione croala.
Functio nominatur: /node/croala/302472.
27. Vt noua Romanae Cicero facundia linguae Iusta recusauit uindicis arma togae, Neue suos ciues committeret, exulat ultro, Dum uinci miserum, uincere turpe putat, Exilium sic tu, princeps Sodorine, capessis: Sanguine ne diro tecta paterna natent. Nec desiderium est patriae graue: cernis ubique Nam patriam, patria est fortibus omne solum. 27,1-8: cf . 20,1-8Quod si libertas nec pax simulata redibunt, Damnabit patrias nulla repulsa preces Teque recaeptura est reducem Florentia, quo te Vectura est humeris Ausonis ora suis.