CroALa, 2024-04-29+02:00. Nodus 252212 in collectione croala.
Functio nominatur: /node/croala/252212.
2.Dum graditur lenti neque quid vitale ferentis In longum protensa maris prope litora, spectat Illam Arabum primam Petraei nominis urbem, Unde Deo adversa veniens ab origine coniux Rutha dedit claros mater Iesseia reges. Nec tamen hanc subeunt, soliti vitare superbas Divitiis fastusque urbes, nisi forsitan escas Cum peterent; licet his plerumque vel obvia villae Ruralis fornax, parvi aut domus hospita tecti Redderet acceptos alimenta aequantia nummos.