CroALa, 2024-04-29+02:00. Nodus 250520 in collectione croala.
Functio nominatur: /node/croala/250520.
32.Acceptis regum donis, Iosippus et uxor Divinam extollunt curam, quod solis Eoi Hactenus infidas gentes, cunabula natae Visere mandasset sobolis donisque levare Terrenorum inopem matrem prolisque suumque Custodem pariter, nomen genitoris habentem. Protinus ad censum legisque tributa Latinae Memnoniae numerantur opes: pars iuvit egenos, Pars etiam templum, totus cui thuris Eoi Cessit odor; modicumque suis praesentibus addunt Subsidiis, vel forte fugae divinitus ante A matre acceptae. Quantum concessit egestas, Nixa Deo quantum fuerat spes ausa, reservant.