CroALa, 2024-04-29+02:00. Nodus 250385 in collectione croala.
Functio nominatur: /node/croala/250385.
29.Pergit Arabs carpitque viam cui praevius ibat Stellae idem radius, donec splendore refulgens Eximio complesset iter parvumque dedisset Noscere divini pueri venientibus antrum. Quos, regum genus egregium, divinitus actos Ipsa probavit hiems Solymis succedere tectis; Consilio hanc omnes animisque volentibus aedem Devenere, procul regnis, quae florida quondam Adverso veniens sol respiciebat Olympo. Lumen ad usque humilem caulam caeleste secutos, Nec sidus regione viae caelumque fefellit: Aurea nunc etiam stellantis regia caeli Evehit et numerum Divorum altaribus augent.