CroALa, 2024-04-29+02:00. Nodus 248950 in collectione croala.
Functio nominatur: /node/croala/248950.
10.Nunc ego divinas matris qua dicere flammas Voce ausim, quo arcana sono complectar amoris Prodigia? Aethereae minus hac arsere profectae Ad visenda hominis Verbi cunabula mentes. Non ego, si linguae centum sint oraque centum, Sintque mihi centenae animae, vel vertice laeto Nectat adoratas et Smyrna, et Mantua lauros, Non mihi si Phoebus cytharam, describere viso Quae fuerint, Virgo, tibi corda calentia nato, Sufficiam: sacro mater mirabilis aestu!