CroALa, 2024-04-29+02:00. Nodus 248718 in collectione croala.
Functio nominatur: /node/croala/248718.
7.Ut tepefacta foco mediae nox humida brumae, Et rude correctum spelaeum hiemisque repulsus E membris rigor et multam iam sidera noctem Errassent, urgere graves sopor incipit artus. Concessura velut somno sua lumina mater, Stramine consedit, cubito cervice reclinis Supposito. Pressa duplici quoque luce soporem Visa pati: natura leves admittere somnos Cogere forte nurum potuit, natura sed altos Virgineae mentis nequiit prohibere volatus. Debuerat modicam membris praestare quietem, Numquam animo: procul est, ut mox paritura sopori 191 sopori : sapori Pectoris immodicas potuisset subdere flammas.