CroALa, 2024-04-28+02:00. Nodus 245298 in collectione croala.
Functio nominatur: /node/croala/245298.
12.Attigerat casto tandem servata marito Tecta. Lares patrios Iosippum ingressa salutat; Temporis et veniam reditumque morata precatur: Atque iterum parere avidam dominique virique Obsequio sisti promptamque reponere cassos Servitii, cui longa data absentia, menses. Iosippus reducem gratus non impare sponsam Excipit affatu seque ad sua tecta reversam Ut dominam, non ancillam, cui tempore lapso Absenti nequiisse suo prodesse labore, Se maerere inquit; tempus optare, priores Quo redimat vacuas studiis servilibus horas. Hoc erat initium reditus, cui deinde pudoris Successit dubii maeror tristemque mariti Concussit praegnans animum sine coniuge nupta.