CroALa, 2024-04-29+02:00. Nodus 224072 in collectione croala.
Functio nominatur: /node/croala/224072.
13.Chaldaeae locus est, in qua regione ruentem Substitit ad Tigrim primum, quo sede prioris Fortunae profugus longisque erroribus actus Appulit infelix Adam, bene gnarus eundem Esse Tigrim, limo mixtum potare coactus Quem purum de fonte bibit. Pretiumque petiti Amnis erant lacrymae; libatam flumine lympham Restituit plorans: oculi volvere solutum Arescens quod lingua tulit: concessus Adamo Semper erat rapidus tali pro faenore Tigris.