CroALa, 2024-04-28+02:00. Nodus 221685 in collectione croala.
Functio nominatur: /node/croala/221685.
24.Dixerat haec, Reginae aliis venerantibus almum Aligeris Mariae nomen, divina secutis Iussa, pius mentis quos non discreverat ardor. At reliqui, fuerat quorum pars tertia (magnus Ille tamen nullique hominum censendus, aberrans Virgineo a cultu numerus) fallacibus acti Consiliis, audax Mariam calcare, superbus Quae tulit Antitheus, placitis melioribus obstant Constantesque sui in Mariae diadema rebellant. Tunc alii queis fixa stetit reverentia matris Reginae, adversi vexilla superba Draconis Deserere et reliquos quorum inconcussa tenebat Castra fides pietasque sequi, felicibus omnes Quos iunxit Michaël signis Mariaeque paratis Iussit adorandum labaris intexere nomen, Spirituum laeto Mariam inclamante sonore.