CroALa, 2024-04-29+02:00. Nodus 220877 in collectione croala.
Functio nominatur: /node/croala/220877.
15.Haec erat – heu! – modicum, sed duratura beati Maiestas horti: felix sua prodigus horti Si bona novisset cultor felixque fuisset Posteritas. Sed quaeso, oculi, ne flete, cadentes Sistite tantisper lacrymas! Sors dira! Colono Faece Damascena genito traduntur amoeni Deliciae Paradisi: iterum, rogo, parcite molles Luminibus lacrymae! Deus, ah Deus optimus ille, Munificus Deus, has omnes indulsit Adamo Felicis telluris opes similique futuram Sorte beaturus sobolem, modo (lege tenendum Quod fuerat) ne Palladiae se germine plantae Perderet acceptâ vetitis ex frondibus esca.