CroALa, 2024-04-28+02:00. Nodus 218822 in collectione croala.
Functio nominatur: /node/croala/218822.
354. [351.] Ad Phyllim, ne Roma abeat.Parce viae; patriam propera nec visere, Phylli, Et Tiberim et colles linquere Romuleos. Multa illic vexant cupidi te lite propinqui, Et tibi curarum millia multa ferunt. Heic veluti summo delapsam ex aethere divam Nemo non te unus diligit, atque colit. Contigerit felix cuivis ubi vita, jubebo, Hic patriam sapiens credat ut esse suam.